माणसं बदलतात...
आपलेपणाचे मुखवटे घालून
नफ्याची बेरीज करताना
तोट्याची वजाबाकी होऊ लागताच
माणसं बदलतात...
रंग घेऊन सरड्याचे
अवती भवती वावरताना
एक दिवस अचानक
खरा रंग उघडा पडताच
माणसं बदलतात...
खांद्यावर हात ठेवून फिरणारी
बहुरुप्याचे सोंग घेणारी
ढोंगीपणा उघड होताच
सावध होऊन स्वतःसाठी
माणसं बदलतात..
स्वार्थासाठी गोड बोलणारी
सर्वांचाच जयजयकार करणारी
मतलबी होऊन वावरणारी
मुखवटे गळून पडताच
माणसं बदलतात..
फसवी असतात आपुलकीची नाती
ओठात एक अन पोटात एक
असते फक्त स्वार्थासाठी
सावध राहावे अनंत या जगती
कारण माणसं बदलतात...
✍🏻 © सुवर्णविलास
