बर झालं गांधी बाबा,
आज तुम्ही नाहीत..
असत्याच्या गर्दीत आज,
सत्याचा गळा घोटला जात आहे...
तुमच्याच नोटेचा वापर करून,
भ्रष्टाचार इथे माजला आहे....
तुम्हांला अभिप्रेत असलेली अहिंसा,
नावापुरती इथे उरली आहे...
नेहमी खरे बोलण्याची तुमची शिकवण,
आज विनोदाचा भाग बनली आहे....
तुमच्या तीन माकडांची शिकवण सुद्धा,
भाषणापुरती राहिली आहे....
विश्वास ठेवावा कुणावर,
अजिबात काही कळत नाही..
रोजच बदलणारे मुखवटे
लावून,
फसवणूक नित्य इथे होत आहे....
बरं झालं गांधी बाबा,
आज तुम्ही नाहीत....
✍️©सुवर्णविलास02102023
कोणत्याही टिप्पण्या नाहीत:
टिप्पणी पोस्ट करा