हे ही घडवूया

सगळ्यांनाच सगळं यावं
जमेल हेही करता प्रयास...
घडवूया राजहंस सारे
घेतील भरारी नभात
अन लुटतील आनंद पोहण्याचा पाण्यात..

रेखाटण्यास देऊ त्याला
कवितेच्या ओळी रेखीव
रंग भरण्यास देऊ संधी
कवितेच्या चालीत....

मोत्यासारखे अक्षर अन
करतो हिशोब तोंडी भरभर
मग देऊया त्याला विश्वास
येतील पाढेही भरभर

आनंददायी उपक्रमांनी
राहणार नाही गणिताची भीती
गणिताच्या स्पर्धेतही
जिंकेल माझी बोलघेवडी

इंग्रजीतील खेळ खेळून सुसाट
सरसर चढेल तो knowledge चे झाड

वाचणाऱ्या कृष्णाच्या मनात
जागवू लिहिण्याचाही विश्वास
आज नाही उद्या लिहील
पण करूयात आपण प्रयास

विविधांगी लेकरांना
आणूया एकाच स्तरात
त्यांचे अंग जपताना
घडवूया समान विकास

वाचन ,लेखन ,गणितासोबत
देऊ जीवनाचे शिक्षण खास
त्याच्याच कलाने जाऊन
करूया त्याचा आपण विकास

नकारघंटा नकोच आधी
करूया कार्याची सुरुवात
जमेल जितके तितके करूया
अडेल तिथे हात देऊया
*सर्वांगिण विकास* करून त्याचा
घडवू आपुला विद्यार्थी छान।

✍ © सुवर्णविलास
दि.26/07/2019